Share This Post

Inama zo kubaka urugo

impamvu 8 zishobora gutuma umugore atanyara

Ibyishimo bibonerwa mu mibonano ku bagore hirya no hino kw’isi ntibyakunze kwitabwaho kugeza  mu 1950 aho abashakashatsi batangiye kubitekerezaho ari benshi.




Ndetse wagiye usanga mu mico imwe n’imwe na n’ubu bagica abagore umwe mu myanya ndangagitsina yabo ibafasha kwishima ku buryo bwihuse mu gihe cyo gutera urubariro ngo batazavaho baca inyuma abagabo babo.

Mu Rwanda ho kuva kera abagore bari bafite amahirwe y’uko abagabo babo baba bafite inshingano yo kubashimisha, kuko habagaho igikorwa cyo kunyaza kuva kera.

Niba rero bikunze ko umugabo afasha umugore kuzana amazi, ni ikimenyetso cya mbere cy’uko umugore aba yanyuzwe n’imibonano kuko adashobora kuyazana atanyuzwe.

Gusa, n’ubwo iki ari ikimenyetso cyo kunyurwa n’imibonano, ntabwo aricyo cyivuga ko umugore agejeje ibyishimo bye kundunduro.


Ariko se abagore batajya bazana aya mazi muri icyo gihe, byaba bivuga ko batajya bishima ? Hari Impamvu zitandukanye  zishobora kuba intandaro yo kutazana aya mazi ku mugore.
Gusa, umugore ashobora kugeza ibyishimo abonera mu mibonano ku ndunduro kandi atigeze azana aya mazi.
1. Kuba umugabo atarabasha kumenya icyo yakorera umugore we ngo aya mazi ayazane : hari abagabo bajya bibwira ko ngo bigeze gukorana imibonano mpuzabitsina n’undi mugore runaka, ngo we akazana amazi, bityo babona uwo bashakanye ntayo azana bagahita bumva ko ubwo ari ntayo agira. Hari n’abasore badatinya guhita bangana n’umukobwa bari bakundanye, yamuha bwa mbere ntayazane ubwo bakaba babyaranye abo. Ariko kandi, abagabo bagomba kumenya ko buri mugore yihariye, icyo wakoze kugirango nyirakanaka ayazane gishobora kuba ntaho gihuriye n’aho uzakora kugirango uwo mwashakanye ayazane, bityo kuba utarabona ayazana bishoboka ko Atari ukubera ko atayagira.

2. Kuba umugore ataramenyera kwirekura igihe cy’akabariro : Hari abagore baba batarabasha kwerekeza ibitekerezo byabo byose kuri icyo gikorwa, maze ugasanga bitumye mu mutwe hatirekura ngo hafashe imyanya ye kurekura ya mazi.

Bivugwa ko abagore bazana amazi bataragira imyaka 30 ari bake cyane. Iyo bamaze kuyirenza, ngo baba batangiye kumenyera no kwirekura ku buryo bworoshye. Ku myaka 40, n’ubwo umugore aba arimo asatira gucura, ngo nibwo yirekura wese wese ku buryo umubare w’abazana amazi uba munini cyane. Ushobora rero kwibeshya ukaba wakwiyirukanira umugore kandi igihe cye cyo kubasha kwirekura akazana ya mazi uhora uhiga kitaragera.

3. Kuba umugore atinya kurekura aya mazi akeka ko yaba agiye kunyarira umugabo we : Ibi nabyo bibaho, hari abagore bumva ayo mazi agiye kuza, ariko bagatinya ko aza bakeka ko bagiye gukora umwanda ku buriri.
4. Kuba umugore azana make cyane atagaragara umugabo agakeka ko ntayo azana : Aya mazi aza atangana ku bagore bose, bikaba bivugwa ko ava ku gitonyanga kugera kuri litiro. Ashobora kuza inshuro imwe cyangwa se zirenzeho mu gihe cy’umubonano umwe. Igihe umugore azana igitonyanga rero, umugabo ashobora kwibwira ko uwo mugore atajya ayazana kandi imyanya ye irekura make.
5. Kuba umugore ahangayikishijwe n’uko amazi ataza : Uku guhangayika nako gutuma kwirekura binanirana bityo kuzana amazi bikanga.

6. Kuba umugabo akora imibonano mpuzabitsina agambiriye gutuma umugore azana amazi : Ibi nabyo bituma iyi mibonano ikozwe gutya iba mecanique, nta rukundo n’ubusabane biba birimo kuko hari intego itumbiriwe, bityo kubona ya mazi bikagorana cyangwa ntibinagerweho.

7. Kuba abashakanye batajya baganira igihe bari muri iki gikorwa : Kuganira igihe cy’akabariro ni byiza, kuko umugore aba ashobora gusaba umugabo aho amukoreye hakamubera heza kugirango ahagume. Iyo ahagumye, ahanini usanga ariho hari butume ya mazi aza kuko haba hafite ubwumvumve bukomeye. Ariko kandi iyo atamuvugishije, umugabo akomeza ahinduranya uko yishakiye agirango ibyo ari gukora nibyo byiza, kandi yahava umugore akababara nyamara ntakome !

8. Kuba umugore ntayo ajya azana kubera ko imvubura ziyarekura zishobora kuba zidakora neza cyangwa nta n’izo agira, cyangwa bitewe n ;ingano y’imisemburo ya kigore yifitemo : Ibi nabyo ni ibishoboka ko umugore koko ashobora kuba atazana amazi. Ariko kandi, icyo abagabo bagomba kwishyiramo, kuko kuryoherwa n’akabariro bihera mu mutwe, ni uko kuzana amazi ataribyo biryoshya akabariro, Ahubwo kugira ububobere buhagije mu gitsina nibyo by’ingenzi.


Aya mazi rero umugore ashobora kuba ayifitime n’aho yaba atarayazana na rimwe, cyangwa se umubiri we ukaba uteye utyo akaba adashobora kuyazana, nyamara ntibimubuze kuryoshya no kuryoherwa mu mibonano igihe agira ububore buhagije kandi nawe azi icyo gukora.

Share This Post

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Skip to toolbar